ఎమ్మెల్యే ఊసెత్తని సీఎం... నెట్టింట వైరల్ అవుతున్న మీమ్స్..

దిశ, పెగడపల్లి, మల్యాల: పలుమార్లు వాయిదా పడుతూ వచ్చిన సీఎం జిల్లా పర్యటన ఎట్టకేలకు నేడు విజయవంతంగా జరిగింది. ఎంతో ప్రతిష్టాత్మకంగా రూ. కోట్ల ఖర్చుతో ఏర్పాటు చేసిన బహిరంగ సభలో సీఎం కేసీఆర్ స్థానిక ఎమ్మెల్యే సంజయ్ కుమార్ ఊసు ఎత్తకపోవడంతో సంజయ్ అనుచరులు, అభిమానులు నిరాశకు లోనయ్యారు. సీఎం పర్యటన ఖరారు అయిన రోజు నుండి సభ విజయవంతం అవడానికి ఎంతగానో కష్టపడ్డ తమ ఎమ్మెల్యే పేరును సీఎం తన ప్రసంగంలో కనీసం పలకకపోవడం తీవ్ర చర్చనీయాంశం అయింది. ఇదే విషయంపై సోషల్ మీడియాలో పలువురు మిమ్స్ వైరల్ చేస్తున్నారు.