సిరిసిల్ల అర్బన్‌‌ బ్యాంకు ఎన్నికలో ఉద్రిక్తత.. లాఠీఛార్జ్ చేసిన పోలీసులు

దిశ,రాజన్న సిరిసిల్ల ప్రతినిధి : సిరిసిల్ల కో-ఆపరేటివ్ అర్బన్ బ్యాంక్ ఎన్నికల్లో ఉద్రిక్తత వాతావరణం నెలకొంది. ఎన్నికైన అభ్యర్థులను క్యాంపుకు తరలించే క్రమంలో తోపులాట జరగడంతో పలువురు కాంగ్రెస్ నాయకులపై పోలీసులు లాఠీచార్జి చేశారు. దాంతో తన కొడుకును అకారణంగా కొట్టారని కాంగ్రెస్‌‌ పార్టీ పట్టణ అధ్యక్షుడు చొప్పదండి ప్రకాష్ పోలీసులతో వాగ్వివాదానికి దిగారు. జిల్లా పోలీస్‌‌ ఎంపి, ఎమ్మెల్యే ఎన్నికలతో పాటు పలు ఎన్నికలు విజయవంతంగా నిర్వహించి.. ఎలాంటి అవాంఛనీయ ఘటనలు జరగకుండా విధులు నిర్వహించి, మంచి గుర్తింపు పొందారు. కానీ సిరిసిల్లలో అతి చిన్న ఎన్నికైన అర్బన్‌‌ బ్యాంకు ఎన్నికలు కంట్రోల్‌‌ తప్పి, పోలీసులు లాఠీచార్జీ చేయడం తీవ్ర విమర్శలు వెల్లువెత్తుతున్నాయి.