గుండెపోటుతో మాజీ ఎమ్మెల్యే కొమిరెడ్డి రాములు కన్నుమూత

దిశ, మెట్ పల్లి: కాంగ్రెస్ పార్టీ సీనియర్ నేత కోరుట్ల మాజీ ఎమ్మెల్యే కొమిరెడ్డి రాములు గుండె పోటుతో కన్నుమూశారు. గత కొద్ది రోజులుగా ఆయన కిడ్నీ సంబంధిత వ్యాధితో బాధపడుతున్నారు. బుధవారం హైదరాబాద్ లోని తన నివాసంలో గుండెపోటు రాగా హుటాహుటిన జూబ్లీహిల్స్ అపోలో హాస్పిటల్ కు తరలించారు. అక్కడా ఆయన చికిత్స పొందుతూ తుదిశ్వాస విడిచారని ఆఫీస్ ఇన్ చార్జి రయిసుద్దీన్ తెలిపారు. హైద్రాబాద్ నుంచి మెట్ పెల్లి కి గురువారం కోమిరెడ్డి రాములు భౌతిక కాయన్ని తరలించనున్నారు.