Former MLA Arrested: గురుకులాల సందర్శనకు కేటీఆర్ పిలుపు.. మాజీ ఎమ్మెల్యే అరెస్ట్..!

దిశ, రామడుగు: చొప్పదండి నియోజకవర్గ మాజీ ఎమ్మెల్యే సుంకే రవిశంకర్‌ను పోలీసులు అరెస్ట్ చేసినట్లుగా సమాచారం. రాష్ట్ర వ్యాప్తంగా గురుకుల పాఠశాలను సందర్శించి అక్కడి భోజనం మెనూ, విద్యార్థుల సమస్యలను తెలుసుకోవాలని మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్ బీఆర్ఎస్ నేతలకు పిలుపునిచ్చారు. ఈ మేరకు సుంకే రవిశంకర్ నియోజకవర్గ పరిధిలోని చొప్పదండి సైనిక్ స్కూల్‌తో పాటు పలు గురుకుల హాస్టల్ వసతి గృహాలను సందర్శించేందుకు బయలుదేరగా కాసేపటి క్రితం ఆయనను పోలీసులు అరెస్టు చేసి రామడుగు పోలీస్ స్టేషన్‌కు తరలించినట్లుగా సమాచారం.