కాంగ్రెస్ లో చేరిన కమతం శ్రీనివాస్ రెడ్డి

దిశ, డైనమిక్ బ్యూరో: అసెంబ్లీ ఎన్నికల్లో గెలుపు కోసం పట్టుదలతో ఉన్న తెలంగాణ కాంగ్రెస్ పార్టీ చేరికలపై ఫోకస్ పెట్టింది. తాజాగా పరిగి నియోజకవర్గానికి చెందిన మాజీ డీసీసీబీ చైర్మన్ కమతం శ్రీనివాస్ రెడ్డి కాంగ్రెస్ గూటికి చేరారు. గురువారం టీపీసీసీ చీఫ్ రేవంత్ రెడ్డి సమక్షంలో ఆయన కాంగ్రెస్ తీర్థం పుచ్చుకున్నారు. కాగా ఇప్పటికే ఆయా జిల్లాల్లో నేతలను ఆహ్వానిస్తున్న కాంగ్రెస్ చేరికల విషయంలో దూకుడు కనబరుస్తోంది. బీఆర్ఎస్, బీజేపీలోని అసంతృప్త నేతలకు గాలం వేస్తోంది.