32 మంది నర్సులకు టామ్​కామ్ ​ద్వారా జపాన్​లో ఉద్యోగాలు

దిశ, తెలంగాణ బ్యూరో : తెలంగాణ ఓవర్సీస్​ మ్యాన్ ​పవర్​ కంపెనీ లిమిటెడ్​ టామ్​కామ్​ సంస్థ మొదటి రెండు బ్యాచ్​లకు చెందిన 32 మంది నర్సులను జపాన్​లోని ప్రముఖ ఆసుపత్రుల్లో విజయవంతంగా నియమించింది. మొదటి రెండు బ్యాచ్​ల నుండే ఈ స్థాయిలో ఉద్యోగాలు రావడంతో త్వరలోనే మూడవ బ్యాచ్​కోసం అభ్యర్థుల ఎంపిక కోసం డిసెంబర్​13న హైదరాబాద్​ విజయనగర్​లోని ఐటిఐ మల్లేపల్లి క్యాంపస్​లో డైరెక్ట్​ వాక్​ ఇన్​ఇంటర్వులను నిర్వహించనుంది . వయే పరిమితి 19 నుండి 30 సంవత్సరాల వరకు ఉండి ఆయా నమోదిత కళాశాలల నుండి డిప్లొమా, పారమెడికల్​,ఫార్మాస్యూటికల్​, ఇంటర్మీడియట్​ అభ్యర్థులకు ఈ ప్రోగ్రాంకు దరఖాస్తు చేసుకోవచ్చు. ముందస్తు పని అనుభవం అవసరం లేదని అయితే జపాన్​లో వృత్తిపరమైన నైపుణ్యాలను ఎంపికైన అభ్యర్థులకు ఉండాల్సి ఉంటుందని తెలిపింది. ఎంపికైన ఉద్యోగులకు నెలకు రూ. లక్షన్నర నుండి లక్ష 80 వేల వరకు వేతనం ఉంటుందని టామ్​కామ్​ తెలిపింది. మరింత సమాచారం కోసం ఫోన్​9704570248లో గానీ, లేదా 944005208లో గానీ సంప్రదించాలని వెల్లడించింది.