Jagityal: నేడు జగిత్యాలకు మాజీ సీఎం కేసీఆర్.. ఆ ప్రొగ్రాంలో పాల్గొనడానికే!

దిశ, వెబ్‌డెస్క్: ఉగాది పర్వదినాన్ని పురస్కరించుకుని మంగళవారం మాజీ సీఎం కేసీఆర్ ఎర్రవెల్లి గ్రామస్తులను కలిశారు. ఎర్రవెల్లిలో తన ఫామ్ హౌస్‌కు విచ్చేసిన గ్రామ ప్రజలతో కాసేపు సమయం గడిపారు. ఈ క్రమంలోనే ఇవాళ ఆయన మరికొద్దిసేపట్లోనే జగిత్యాలకు వెళ్లనున్నారు. ఎమ్మెల్యే డాక్టర్ సంజయ్ కుమార్ తండ్రి, సీనియర్ న్యాయవాది మాకునూరి హనుమంతరావు ఇటీవల అనారోగ్యంతో మరణించారు. ఈ మేరకు నేడు జరిగే 13వ రోజు కార్యక్రమంలో పాల్గొని ఎమ్మెల్యే సంజయ్ కుమార్ కుటుంబ సభ్యులను పరామర్శించనున్నారు. ఈ కార్యక్రమానికి బీఆర్ఎస్ ముఖ్య నేతలు, నాయకులు, కార్యకర్తలు పెద్ద ఎత్తున హాజరుకానున్నారు.