తెలంగాణ పాలిటిక్స్‌లో కీలక పరిణామం.. కాంగ్రెస్‌లోకి బీజేపీ కీలక నేత..?

దిశ, తెలంగాణ బ్యూరో: బీజేపీ నేత, హుజురాబాద్ మాజీ ఎమ్మెల్యే ఈటల రాజేందర్ కాంగ్రెస్ లోకి వెళ్లబోతున్నారనే వార్త సోషల్ మీడియాలో హల్ చల్ చేస్తోంది. కొద్దిరోజులుగా జరుగుతున్న ఈ ప్రచారానికి కాంగ్రెస్ పార్టీ అధికారిక ట్విటర్(ఎక్స్) హ్యాండిల్‌తో పాటు కాంగ్రెస్ రాష్ట్ర అధికార ప్రతినిధి సామ రామ్మోహన్ రెడ్డి చేసిన ట్వీట్ మరింత బలాన్ని చేకూర్చినట్లయింది. త్వరలో కాంగ్రెస్‌లోకి తెలంగాణ బీజేపీ సీఎం అభ్యర్థి చేరబోతున్నారంటూ సామ రామ్మోహన్ రెడ్డి ట్వీట్ చేశారు. అంతేకాకుండా కాంగ్రెస్ ఫర్ తెలంగాణ అనే పార్టీ హ్యాండిల్ నుంచి ఆ వ్యక్తి ఎవరనే లీక్ ఇచ్చారు. ఆరుసార్లు ఎమ్మెల్యేగా ఉన్న వ్యక్తి అంటూ ట్వీట్ చేశారు. బీజేపీలో ఆరుసార్లు ఎమ్మెల్యేగా ఉన్న వ్యక్తి ఈటల మాత్రమే కావడం గమనార్హం. దీంతో ఇది సంచలనంగా మారంది. రాజకీయంగా ప్రాధాన్యత ఏర్పడింది. ఈ ప్రచారమే నిజమవుతుందా? అనే చర్చ జరుగుతోంది. ఈటల తాను పార్టీ మారబోయేది లేదని గతంలోనే స్పష్టంచేశారు. అయినా ఈ చర్చ జరగడం గమనార్హం. మరి ఈటల నిజంగానే పార్టీ మారుతారా? లేదా? అన్నది చూడాలి.