ఆమ్నేషియా తరహాలో పబ్‌లో మైనర్ల పార్టీ.. బడా నేత ప్రమేయంతోనేనా ?

దిశ, వెబ్‌డెస్క్ : ఆమ్నేషియా పబ్ గ్యాంగ్ రేప్ ఘటన రాష్ట్ర వ్యాప్తంగా సంచలనం సృష్టించిన విషయం తెలిసిందే. దీంతో పబ్‌లోకి మైనర్లను ఎందుకు అనుమతిచ్చారంటూ పబ్ యజమానులపై తీవ్రంగా ఆందోళనకు దిగారు. పబ్‌కి మైనర్లను రానివ్వకూడదని ఎక్సైజ్ షాక తెలిపిన విషయం తెలిసిందే. ఇక ఇప్పటికీ పబ్‌లో మైనర్లకు అనుమతివ్వడం, పార్టీలపై పెద్ద ఎత్తున నిరసనలు కొనసాగుతున్నాయి. ఈ నేపథ్యంలో హైదరాబాద్‌లోని మరో పబ్‌లో మైనర్లు పార్టీ చేసుకోవడం కలకలం రేపుతోంది. గచ్చిబౌలిలోని ఓ పబ్‌లో రెండు రోజుల పాటు మైనర్లు పార్టీ చేసుకున్నారు. అయితే పార్టీకి ఎక్సైజ్ శాఖ అనుమతి నిరాకరించినా, ఓ బడా నేత ప్రమేయంతో పార్టీకి అనుమతి ఇచ్చినట్లు తెలుస్తోంది. ఇన్ స్టాగ్రాం ద్వారా యువకులు మైనర్లను ఆహ్వానించారు. cyper hovers volume 11 పేరుతో ఈవెంట్ నిర్వహించుకున్నారు. మద్యం సరఫరా చేయలేదంటూ పబ్ యాజమాన్యం తెలుపుతుంది.