ఎన్నికలకు ఏర్పాట్లు పూర్తి : ఆర్ఓ లక్ష్మీనారాయణ

దిశ, ముషీరాబాద్ : ముషీరాబాద్ అసెంబ్లీ నియోజకవర్గంలో ఎన్నికలు ప్రశాంత వాతావరణంలో నిర్వహించేందుకు తగిన ఏర్పాట్లు చేసినట్లు రిటర్నింగ్ అధికారి వి.లక్ష్మీనారాయణ తెలిపారు. 31 మంది అభ్యర్థులు పోటీలో ఉన్నారని వివరించారు. నియోజకవర్గంలో మొత్తం 3 లక్షల 1 వేయి 788 మంది ఓటర్లు ఉన్నారని, అందులో 1 లక్షా 46 వేల 607 మంది మహిళా ఓటర్లు, 1 లక్షా 55 వేల 168 మంది పురుష ఓటర్లు, ఇతరులు 13 మంది ఉన్నారని చెప్పారు.

వీరందరు తమ ఓటు హక్కు వినియోగించుకునేందుకు మొత్తం 105 పోలింగ్​సెంటర్లలో 289 పోలింగ్​బూత్​లు ఏర్పాటు చేశామనితెలిపారు. 1500 మంది ఎన్నికల సిబ్బంది విధుల్లో పాల్గొంటున్నారని తెలిపారు. వారికి ఈవీఎంలతో పాటు ఎన్నికల నిర్వహణకు కావలసిన సామాగ్రి అప్పగించారని చెప్పారు. ఐదు వందల మంది పోలీస్​ సిబ్బంది పోలింగ్​బూత్​ల వద్ద విధినిర్వహణలో ఉంటారన్నారు. 289 ఈవీఎంలతో, 91 ఈవీఎంలు ఎక్స్​ట్రా ఉంటాయని తెలిపారు. 12 సమస్యాత్మక పోలింగ్ ​సెంటర్లు ఉన్నయని, పోలింగ్ కేంద్రాల వద్ద ఎలాంటి ఇబ్బందులు తలెత్తకుండా, అవాంఛనీయమైన సంఘటనలు చోటుచేసుకోకుండా పటిష్టమైన చర్యలు తీసుకున్నామని ఆర్​ఓ తెలిపారు.