ప్రారంభమైన జర్నలిస్టుల హౌసింగ్ సొసైటీ సభ్యత్వ నమోదు..

దిశ, ముషీరాబాద్ : గ్రేటర్ హైదరాబాద్ జర్నలిస్ట్స్ మ్యూచువల్లీ ఎయిడెడ్ కో-ఆపరేటీవ్ హౌసింగ్ సొసైటీ సభ్యత్వ నమోదు ప్రక్రియ సోమవారం ప్రారంభమైంది. వనస్థలిపురంలోని సొసైటీ కార్యాలయంలో ఉదయం 10 గంటలకు దరఖాస్తుల పంపిణీ, స్వీకరణ ప్రారంభించినట్లు సొసైటీ అధ్యక్షుడు మామిడి సోమయ్య తెలిపారు.

తొలి దరఖాస్తు హన్స్ ఇండియా పత్రిక రిపోర్టర్ సీహెచ్ శోభన్ బాబు సమర్పించారన్నారు. ఈనెల 25వ తేదీ వరకు సభ్యత్వ నమోదు ప్రక్రియ కొనసాగుతుందని, ప్రతీ రోజు ఉదయం 10 గంటల నుంచి సాయంత్రం ఐదున్నర గంటల వరకు దరఖాస్తులు స్వీకరిస్తారని చెప్పారు. వివరాలకు ఫోన్ నెంబర్ 9100933723, 7799681212 సంప్రదించాలని తెలిపారు.