మధురానగర్‌ ఆంజనేయస్వామి ఆలయానికి జాన్వీకపూర్‌..

దిశ, జూబ్లీహిల్స్ : శ్రీదేవి కుమార్తె, బాలీవుడ్ నటి జాన్వీకపూర్‌కు భక్తి ఎక్కువనే విషయం తెలిసిందే. సినిమాల విరామ సమయంలో ఆమె తరచూ ఆలయాలను సందర్శిస్తుంటారు. తాజాగా జాన్వీ జూబ్లీహిల్స్ లోని మధురానగర్‌ ఆంజనేయస్వామి ఆలయానికి వచ్చారు. అక్కడ ప్రత్యేక పూజలు నిర్వహించారు. అర్చకులు ఆమెకు తీర్థప్రసాదాలు అందించారు. జాన్వీ జూబ్లీహిల్స్ కి వచ్చిందని తెలిసి అభిమానులు పెద్ద ఎత్తున ఆలయం వద్దకు చేరుకున్నారు. ఆమెతో సెల్ఫీలు దిగేందుకు స్థానికులు పోటీ పడ్డారు.