Hyderabad BJP: మోడీ రాకవేళ బీజేపీకి బిగ్ షాక్.. కారెక్కిన కార్పొరేటర్లు

దిశ ప్రతినిధి , హైదరాబాద్ : Four Hyderabad BJP Corporators Have Joined in TRS In The Presence Of KTR| మరో రోజులో బీజేపీ జాతీయ కార్యవర్గ సమావేశాలు హైదరాబాద్ నగరంలో జరుగనున్న తరుణంలో బీజేపీకి ఊహించని షాక్ తగిలింది. హైదరాబాద్ వేదికగా రేపు, ఎల్లుండి జాతీయ కార్యవర్గ సమావేశాలు జరగడానికి గంటల ముందే బీజేపీకి చెందిన పలువురు కాన్పొరేటర్లు అధికార టీఆర్ఎస్ పార్టీ కండువా కప్పుకున్నారు. టీఆర్ఎస్ వర్కింగ్ ప్రెసిడెంట్, మంత్రి కేటీఆర్ సమక్షంలో హస్తినాపురం కార్పొరేటర్ బానోతు సుజాత నాయక్, జూబ్లీహిల్స్ కార్పొరేటర్ డేరంగుల వెంకటేష్, అడిక్ మెట్ కార్పొరేటర్ సునిత ప్రకాష్ గౌడ్ టీఆర్ఎస్ లో చేరగా కేటీఆర్ వారికి కండువా కప్పి స్వాగతించారు. ఇటీవలే జీహెచ్ఎంసీ కి చెందిన బీజేపీ కార్పొరేటర్లతో ఢిల్లీలో ప్రధాని మోడీ ప్రత్యేక సమావేశం ఏర్పాటు చేశారు. మరో రోజులో జాతీయ కార్యవర్గ సమావేశాల ప్రధానితో సహా పలువురు సీఎంలు , పార్టీ అగ్ర నేతలు హైదరాబాద్ రానుండగా కార్పొరేటర్లు టీఆర్ఎస్‌లో చేరడం అంతటా చర్చనీయాంశమైంది