చాంద్రాయణగుట్ట పోలీస్​స్టేషన్​ నూతన భవనం నిర్మించండి

దిశ , చార్మినార్: పురాతన బిల్డింగ్​లో కొనసాగుతున్న చాంద్రాయణగుట్ట పోలీస్​స్టేషన్​కు నూతన భవన నిర్మాణ పనులు వెంటనే చేపట్టాలని కోరుతూ మంత్రి, పొన్నం ప్రభాకర్​కు చాంద్రాయణగుట్ట నియోజకవర్గం కాంగ్రెస్​ పార్టీ ఇంచార్జి బోయ నగేష్‌కు​ వినతి పత్రం అందాజేశారు. ఈ మేరకు చాంద్రాయణగుట్ట పాత పోలీస్​స్టేషన్ శిధిలావస్థకు చేరుకున్న పాత బిల్డింగ్​లోనే కొనసాగుతుందని, ఎప్పుడు కూలుతుందో తెలియని దయనీయ పరిస్థితుల్లో ఉందని వివరించారు. బిక్కు బిక్కు మంటూనే పోలీసులు అక్కడ విధులు నిర్వహిస్తున్నారని, పోలీసులు విధులను సమర్థవంతంగా నిర్వహించడానికి చాంద్రాయణగుట్ట పోలీస్​స్టేషన్​కు నూతన భవనం ఏర్పాటు చేయాల్సిన అవసరం ఎంతైనా ఉందని అన్నారు. పోలీస్​స్టేషన్​కు పక్కనే 1000 గజాల స్థలంలో ఉన్న జీహెచ్​‌ఎంసీ గ్రౌండ్​లో భవన నిర్మాణపనులు చేపట్టాలని ఆయన మంత్రి పొన్నం ప్రభాకర్​ను కోరారు.