బైక్ దొంగలు అరెస్ట్

దిశ, చైతన్య పురి : బైకులు దొంగతనాలు చేసి తప్పించుకు తిరుగుతున్న మైనర్లను నాగోల్ పోలీసులు అరెస్ట్ చేశారు. సీఐ సూర్య నాయక్ తెలిపిన వివరాల ప్రకారం… ఇటీవల నాగోల్, చైతన్యపురి పోలీస్ స్టేషన్ పరిధిలో బైకులు చోరీకి గురయ్యాయి. విశ్వసనీయ సమాచారం మేరకు సాయినగర్ కాలనీలో చోరీలకు పాల్పడిన ఇద్దరు మైనర్ దొంగలను అదుపులోకి తీసుకున్నట్లు తెలిపారు. వారి వద్ద నుండి 6 బైకులు స్వాధీనం చేసుకున్నామని ఇందులో నాలుగు బైకులు నాగోల్ పోలీస్ స్టేషన్ పరిధిలోవి కాగా రెండు బైకులు చైతన్యపురి పోలీస్ స్టేషన్ పరిధిలోవని తెలిపారు. చోరీకి పాల్పడిన ఇద్దరు మైనర్లను జువైనల్ హోం కు తరలించినట్లు సీఐ తెలిపారు.