సీఎం రేవంత్ రెడ్డిని కలిసిన HMDA అధికారులు

దిశ, డైనమిక్ బ్యూరో: కాంగ్రెస్ ప్రభుత్వం హెచ్‌ఎండీఏ మెట్రో పాలిటన్‌ కమిషనర్‌గా దాన కిశోర్‌ను, హెచ్‌ఎండీఏ జాయింట్‌ కమిషనర్‌గా ఆమ్రపాలిని తాజాగా నియమించిన సంగతి తెలిసిందే. అయితే ఇవాళ సెక్రటేరియట్‌లో ఆ అధికారులు ముఖ్యమంత్రి రేవంత్ రెడ్డిని కలిశారు. నిన్న అధికారుల బదిలీల క్రమంలో ఐఏఎస్ దానకిశోర్‌ను జలమండలి ఎండీ నుంచి బదిలీ చేస్తూ.. ఎంఏయూడీ ముఖ్య కార్యదర్శి, హెచ్ఎండీఏ ఎండీగా ఉత్తర్వులు జారీ చేశారు. ఈ క్రమంలోనే వారు ముఖ్యమంత్రి రేవంత్ రెడ్డిని కలిశారు.