తెలంగాణ నిరుద్యోగులకు బిగ్ అలర్ట్.. గ్రూప్-3 పరీక్షల షెడ్యూల్ విడుదల

దిశ, వెబ్ డెస్క్: తెలంగాణ పబ్లిక్ సర్వీస్ కమిషన్ (TGPSC) ఇటీవల గ్రూప్-3 పోస్టులకు నోటిఫికేషన్ విడుదల చేసింది. కాగా ఈ పోస్టుల భర్తికి సంబంధించిన పరీక్షల షెడ్యూల్‌ను TGPSC (TSPSC) ఈ రోజు విడుదల చేసింది. ఈ షెడ్యూల్ ప్రకారం.. నవంబర్ 17, 18 తేదీల్లో గ్రూప్-3 పరీక్షలు నిర్వహించనున్నారు. వచ్చే నెల 17న రెండు సెషన్లలో రెండు పేపర్లకు పరీక్ష ఉంటుంది. 17న ఉదయం 10 గంటల నుంచి మధ్యాహ్నం 12:30 వరకు మొదటి సెషన్‌లో ఫస్ట్ పేపర్ పరీక్ష నిర్వహిస్తారు. మధ్యాహ్నం మూడు గంటల నుంచి 5:30 వరకు సెకండ్ పేపర్ పరీక్ష జరుగుతుంది. 18న తేదీన పేపర్-3 ఉదయం 10 గంటల నుంచి 12:30 వరకు జరుగునుంది. కాగా పరీక్షలకు సంబంధించిన హాల్ టికెట్లను నవంబర్ 10వ తేదీ నుంచి అభ్యర్థులు డౌన్‌లోడ్‌ చేసుకునేందుకు అవకాశం ఇచ్చింది TGPSC అవకాశం కల్పించింది. ఈ Group-3పోస్టులకు దరఖాస్తు చేసుకున్న అభ్యర్థులు టీజీపీఎస్సీ(TGPSC) వెబ్‌సైట్‌కు లాగిన్ అయ్యి తమ హాల్ టికెట్లు డౌన్‌లోడ్‌ చేసుకోవచ్చని తెలిపారు. ఇదిలా ఉంటే 1,388 పోస్టు భర్తీకి నోటిఫికేషన్ విడుదల చేయగా.. రాష్ట్ర వ్యాప్తంగా దాదాపు 5,36,477 మంది దరఖాస్తు చేసుకున్నారు.