IPL లవర్స్‌కు గుడ్ న్యూస్.. HYD మ్యాచ్‌కు లైన్ క్లియర్

దిశ, వెబ్‌డెస్క్: హైదరాబాద్ ఉప్పల్‌లో ఎస్ఆర్‌హెచ్, సీఎస్‌కే ఐపీఎల్ మ్యాచ్‌కు లైన్ క్లియర్ అయింది. రూ.3.4 కోట్ల విద్యుత్ బకాయిల కారణంగా గురువారం ఎలక్ట్రిసిటీ డిపార్ట్‌మెంట్ స్టేడియంలో కరెంట్ నిలిపివేసిన విషయం తెలిసిందే. అయితే తాజాగా.. ఉప్పల్ స్టేడియంలో విద్యుత్ సరఫరా పునరుద్ధరణ చేశారు. అయితే కరెంట్ బిల్లు బకాయిల కారణంగా విద్యుత్ సరఫరా నిలిపివేశామని ఎలక్ట్రిసిటీ అధికారులు చెబుతుండగా.. హెచ్ సీఏ మాత్రం పాస్ లు ఇవ్వకపోవడంతోనే కరెంట్ కట్ చేశారని తెలపడం గమనార్హం. అయితే విద్యుత్ సరఫరా నిలిపేసిన నాలుగైదు గంటల తర్వాత తిరిగి విద్యుత్ సరఫరాను పునరుద్ధరించారు. బిల్లు చెల్లింపునకు ఒక్క రోజు గడువును అధికారులు ఇచ్చారు. దీంతో హైదరాబాద్ వర్సెస్ చెన్నై సూపర్ కింగ్స్ మ్యాచ్ ఉప్పల్ వేదికగా నేడు రాత్రి 7.30 గంటలకు జరగనుంది.