GEF India : సీఎస్ఆర్ నిధులతో ఫ్రీడం పార్క్ ఏర్పాటు చేసిన జీఈఎఫ్ ఇండియా

దిశ, తెలంగాణ బ్యూరో: కూకట్‌పల్లి లో రూ.2.76 కోట్లతో అభివృద్ధి చేసిన ఫ్రీడం పార్క్‌ను జీఈఎఫ్ ఇండియా గ్రూప్ వైస్ ప్రెసిడెంట్, అక్షయ్ చౌదరి, జీఈఎఫ్ ఇండియా సేల్స్, మార్కెటింగ్ సీనియర్ వైస్ ప్రెసిడెంట్ పి.చంద్ర శేఖర రెడ్డి ప్రారంభించారు. ఈ సందర్భంగా అక్షయ్ చౌదరి మాట్లాడుతూ ఫ్రీడమ్ హెల్తీ వంట నూనెల తయారీదారులు, జెమిని ఎడిబుల్, ఫ్యాట్స్ ఇండియా లిమిటెడ్ (GEF India) కార్పొరేట్ సామాజిక బాధ్యత (CSR funds) కార్యక్రమంలో భాగంగా ఈ 'ఫ్రీడం పార్క్‌ను ఏర్పాటు చేశామన్నారు.

జాగింగ్, వాకింగ్ ట్రాక్, ఒక అంఫీ థియేటర్, వసతులతో 'ఫ్రీడం పార్క్‌లో అందుబాటులో ఉన్నాయని తెలిపారు. కుటుంబ సమావేశాలు, కమ్యూనిటీ సమావేశాలు, ఫిట్‌నెస్‌ను ప్రోత్సహించేహించేందుకు ఈ పార్క్ దోహదపడుతుందన్నారు. ఈ కార్యక్రమంలో గ్రేటర్ హైదరాబాద్ మున్సిపల్ కార్పొరేషన్ ప్రతినిధులు, స్థానికులు పాల్గొన్నారు.