వాహనదారులకు బిగ్ అలర్ట్.. ముగుస్తున్న భారీ డిస్కౌంట్ గడువు

దిశ, తెలంగాణ క్రైం బ్యూరో: ధీర్ఘకాలంగా పెండింగ్‌లో ఉన్న ట్రాఫిక్​చలాన్లను క్లియర్​చేయటానికి పోలీసు శాఖ ప్రకటించిన డిస్కౌంట్​ఆఫర్​ఈనెల 31వ తేదీతో ముగియనుంది. ఆ తరువాత గడువు పెంచేది లేదని పోలీసు ఉన్నతాధికారులు స్పష్టం చేశారు. కొన్నేళ్లుగా రాష్ర్టంలో 3.5 కోట్లకు పైగా ట్రాఫిక్​చలాన్లు పెండింగ్‌లో ఉన్నాయి. ఈ క్రమంలో పోలీసు ఉన్నతాధికారులు ఈనెల 1వ తేదీన డిస్కౌంట్​ఆఫర్‌ను ప్రకటించారు. జనవరి 10వ తేదీ వరకు ఈ ఆఫర్​ఉంటుందని ప్రకటించారు.

ఈ క్రమంలో మొదటి పది రోజుల్లోనే ప్రభుత్వ ఖజానాకు 135 కోట్ల రూపాయల ఆదాయం సమకూరింది. వాహనదారుల నుంచి భారీ ఎత్తున స్పందన రావటంతో పోలీసు ఉన్నతాధికారులు డిస్కౌంట్​ఆఫర్‌ను ఈ నెలాఖరు వరకు పొడిగించారు. ఈ క్రమంలో ప్రభుత్వ ఖజానాకు మరో 20 కోట్ల రూపాయలు సమకూరాయని అధికారులు చెబుతున్నారు. కాగా, ఈనెల 31వ తేదీతో డిస్కౌంట్​ఆఫర్​ముగుస్తోందని, ఈలోపు దానిని సద్వినియోగం చేసుకోవాలని వాహనదారులకు సూచించారు.