స్నాప్చాట్ ద్వారా పరిచయాలు.. ఆ తర్వాత డ్రగ్స్ అమ్మకాలు
రాడిసన్హోటల్డ్రగ్కేసులో అరెస్టయిన మీర్జా వహీద్స్నాప్చాట్ద్వారా పరిచయాలు ఏర్పరుచుకుని కొకైన్ అమ్ముతున్నట్టుగా పోలీసుల విచారణలో నిర్ధారణ అయ్యింది.
దిశ తెలంగాణ క్రైం బ్యూరో: రాడిసన్హోటల్డ్రగ్కేసులో అరెస్టయిన మీర్జా వహీద్స్నాప్చాట్ద్వారా పరిచయాలు ఏర్పరుచుకుని కొకైన్ అమ్ముతున్నట్టుగా పోలీసుల విచారణలో నిర్ధారణ అయ్యింది. గచ్చిబౌలిలోని ఐఎస్బీ, జూబ్లీహిల్స్, ఫిలింనగర్ప్రాంతాల్లో ఉంటున్న పలువురు ప్రముఖులకు కొకైన్సరఫరా చేస్తున్నట్లు తేలింది. తాజాగా వెలుగు చూసిన రాడిసన్హోటల్ డ్రగ్పార్టీ కేసులో మీర్జా వహీద్ను గచ్చిబౌలిలోని ఐఎస్బీ వద్ద అరెస్ట్చేసిన గచ్చిబౌలి పోలీసులు అతని నుంచి 3.58 గ్రాముల కొకైన్ను స్వాధీనం చేసుకున్నారు. రాడిసన్హోటల్డ్రగ్కేసులో 2వ నిందితునిగా ఉన్న పాతబస్తీ యాఖుత్పురా ప్రాంత నివాసి సయ్యద్అబ్బాస్అలీ జాఫ్రీని విచారించినపుడు మీర్జా వహీద్పేరు వెలుగులోకి వచ్చిన విషయం తెలిసిందే. యాఖుత్పురా ప్రాంతానికే చెందిన మీర్జా వహీద్ఏడాది కాలం నుంచి సయ్యద్అబ్బాస్అలీ జాఫ్రీ ద్వారా కొకైన్విక్రయాలు జరిపిస్తూ వస్తున్నట్టుగా దర్యాప్తులో తేలింది.
10 సార్లకు పైగా..
మీర్జా వహీద్ను జరిపిన విచారణలో ఒక్క ఫిబ్రవరి నెలలోనే అతను 10సార్లకు పైగా కొకైన్ను సయ్యద్అబ్బాస్అలీ జాఫ్రీకి అమ్మినట్టుగా స్పష్టమైంది. ఇలా తీసుకున్న కొకైన్ను సయ్యద్అబ్బాస్అలీ జాఫ్రీ 2వేల రూపాయల కమీషన్ పై మంజీర గ్రూప్ ఆఫ్ కంపెనీస్ డైరెక్టర్ వివేకానంద్కు అమ్మినట్టుగా తేలింది. ఇక, మరో ఇద్దరు డ్రగ్పెడ్లర్లయిన అబ్దుల్రెహమాన్తోపాటు ఇమ్రాన్తో కూడా మీర్జా వహీద్కు సన్నిహిత సంబంధాలు ఉన్నట్టుగా వెల్లడైంది. మీర్జా వహీద్ను కోర్టులో హాజరుపరిచినపుడు రిమాండ్రిపోర్టులో ఈ వివరాలను గచ్చిబౌలి పోలీసులు పేర్కొన్నారు. ఇక్కడ గమనించాల్సిన అంశం ఏమిటంటే ఈ రిమాండ్రిపోర్టులో కూడా పోలీసులు టాలీవుడ్డైరెక్టర్క్రిష్జాగర్లమూడి పేరును ప్రస్తావించటం. రాడిసన్హోటల్లో జరిగిన డ్రగ్పార్టీకి 10మంది హాజరైనట్టుగా పేర్కొన్నారు.