ఆర్ఎస్పీ ప్రశ్నలకు సమాధానం ఉందా కేసీఆర్?.. కాంగ్రెస్ ట్వీట్

దిశ, డైనమిక్ బ్యూరో: లోక్ సభ ఎన్నికల వేళ బీఆర్ఎస్ పార్టీపై కాంగ్రెస్ పార్టీ ట్విట్టర్ వేదికగా విమర్శనాస్త్రాలు సందిస్తోంది. ఈ నేపథ్యంలోనే బీఆర్ఎస్ ఎంపీ అభ్యర్ధి ఆర్ఎస్ ప్రవీణ్ కుమార్ వ్యాఖ్యలపై కాంగ్రెస్ సెటైర్ వేసింది. బీఆర్ఎస్ ఎంపీ అభ్యర్థిగా చెబుతున్నా.. పదేండ్లలో కేసీఆర్ కనీసం బాత్రూం కూడా కట్టించలేదు అంటూ వీడియో విడుదల చేసింది. ఈ వీడియోలో ఎన్నికల ప్రచారంలో భాగంగా ఆర్ఎస్ ప్రవీణ్ కుమార్ మల్కాజ్ గిరి నియోజకవర్గంలో ఎంపీ అభ్యర్ధి రాగిడి లక్ష్మారెడ్డితో కలిసి పర్యటించారు.

ఆయన మాట్లాడుతూ.. భూదేవి నగర్ లో రైల్వే ట్రాక్ పక్కన 300 ఇళ్లు ఉన్నాయని, పది పదిహేను ఏళ్ల నుంచి నీటి సౌకర్యం లేదని, పదేళ్లలో కనీసం బాత్రూం కూడా కట్టించలేదని అన్నారు. అలాగే మురికి కాలువ కట్టించకపోవడంతో రోడ్డుపై నీరు పారుతుందని తెలిపారు. సో కాల్డ్ గ్రేటర్ హైదరాబాద్ లో గ్రామీణ ప్రాంతాల నుంచి పొట్ట చేతపట్టుకొని వచ్చిన వారి బ్రతుకులు ఇలా ఉన్నాయని అన్నారు. ఈ వీడియోకి బీఆర్ఎస్ ఎంపీ అభ్యర్ధి ఆర్ఎస్పీ అడిగిన ప్రశ్నలకు కేసీఆర్ దగ్గర సమాధానం ఉందా? అని కాంగ్రెస్ ప్రశ్నించింది.