తెలంగాణ ఎన్నికల వేళ ట్విస్ట్.. హైదరాబాద్‌లో ఈడీ దాడుల కలకలం

దిశ, వెబ్‌డెస్క్: ఎన్నికల వేళ హైదరాబాద్‌లో ఈడీ దాడులు కలకలం సృష్టిస్తున్నాయి. నగరంలోని కేఎంసీ కన్‌స్ట్రక్షన్స్‌లో సోదాలు జరుగుతున్నాయి. అలాగే కోల్‌కత్తా గురువాయర్ ఇన్‌ఫ్రాస్ట్రక్చర్‌లో కూడా తనిఖీలు చేస్తోన్నారు. ఎన్‌హెచ్‌ఏ నిధుల దుర్వినియోగం కేసులో సోదాలు జరుపుతున్నట్లు తెలుస్తోంది. ఈ వ్యవహారంపై సీబీఐ ఎఫ్‌ఐఆర్ ఆధారంగా ఈడీ అధికారులు విచారణ చేపడుతున్నారు.

2006లో ఎన్‌హెచ్ 47లోని పనుల అమలుకు సంబంధించి ఫ్రాడ్ జరిగినట్లు ఈడీ గుర్తించింది. అందులో భాగంగా భారత్ రోడ్ నెట్‌వర్క్‌లో కూడా దాడులు చేపడుతున్నారు. కొన్ని రోజుల్లో తెలంగాణ ఎన్నికలు జరగనున్నాయి. ఈ క్రమంలో ఈడీ దాడులు ప్రకంపనలు సృష్టిస్తున్నాయి. ఇటీవల నగరంలో పలుచోట్ల ఐటీ దాడుల జరిగాయి. ఇప్పుడు ఈడీ రంగంలోకి దిగడం కలకలం రేపుతోంది.