Johnny Master: జానీ మాస్టర్ వివాదంలో కీలక పరిణామం.. తెలంగాణ మహిళా కమిషన్ కు ఫిర్యాదు
కొరియోగ్రాఫర్ జానీ చుట్టూ ఉచ్చు బిగుసుకుంటోంది.
దిశ, డైనమిక్ బ్యూరో: లైంగిక వేధింపుల ఆరోపణల కేసులో కొరియోగ్రాఫర్ జానీ మాస్టర్ చుట్టూ ఉచ్చు బిగుస్తోంది. ఇప్పటికే జానీ మాస్టర్ పై పోలీసులు ఫోక్సో కేసు నమోదు చేయగా తాజాగా సీన్ లోకి మహిళా కమిషన్ ఎంటర్ అయింది. మహిళపై లైంగిక వేధింపులకు పాల్పడిన జానీపై చర్యలు తీసుకోవాలని బుధవారం మహిళా కమిషన్ చైర్ పర్సన్ నేరెళ్ల శారదకు మహిళా సంఘం సభ్యులు కలిసి ఫిర్యాదు చేశారు. దీంతో కేసు విచారణను పోలీసులు వేగవంతం చేసిన తరుణంలో మరోవైపు మహిళా సంఘం కమిషన్ కు ఫిర్యాదు అందడంతో జానీ మాస్టర్ పై ఆరోపణల వ్యవహారంలో ఏం జరగబోతున్నదనే ఉత్కంఠ సర్వత్రా నెలకొంది. కాగా జానీ మాస్టర్ విషయంలో ఓ బాధితురాలు ముందడుగు వేయగా ఆ వెంటనే మరో యాక్టర్ పూనం కౌర్ ఏకంగా ఓ ప్రముఖ దర్శకుడిపై తాను గతంలో ఫిర్యాదు చేసినా సినీ పెద్దలు ఎవరూ పట్టించుకోలేదంటూ చేసిన వ్యాఖ్యలు రచ్చగా మారాయి. ఈ నేపథ్యంలో తీగ లాగితే డొంక కదిలిన చందంగా జానీ మాస్టర్ వ్యవహారంతో టాలీవుడ్ లో ప్రకంపనలు రేపుతుందా లేకా షరా మామూలే అన్నట్లు అంతా సర్దుకుపోతుందా అనేది కాలమే నిర్ణయించాల్సి ఉంది.
Read More..