నేడు మూడు జిల్లాల్లో CM రేవంత్ రెడ్డి పర్యటన..

దిశ, వెబ్‌డెస్క్: పార్లమెంట్ ఎన్నికల ప్రచారంలో భాగంగా తెలంగాణ సీఎం రేవంత్ రెడ్డి నేడు మూడు జిల్లాల్లో పర్యటించనున్నారు. సోమవారం ఉదయం 11 గంటలకు రేవంత్ రెడ్డి ఆదిలాబాద్ జిల్లా కేంద్రంలో నిర్వహించే బహిరంగ సభలో పాల్గొననున్నారు. అనంతరం మధ్యాహ్నం ఒంటి గంటకు నిజామాబాద్ బహిరంగ సభలో పాల్గొంటారు. సాయంత్రం 4 గంటలకు మేడ్చల్ - మల్కాజ్ గిరి సభలో పాల్గొంటారు. ఆదిలాబాద్‌లో ఆత్రం సుగుణ, నిజామాబాద్ లో జీవన్ రెడ్డి, మల్కాజ్ గిరిలో సునీతా మహేంధర్ రెడ్డిలకు మద్దతుగా రేవంత్ రెడ్డి ప్రచారం నిర్వహించనున్నారు. మూడు జిల్లాల్లో బూత్ స్థాయి నుంచి కాంగ్రెస్ శ్రేణులను భారీగా తరలించేందుకు ఏర్పాట్లు చేస్తున్నారు.