Suman: సీఎం రేవంత్ రెడ్డి రియల్ హీరో.. ఢిల్లీ ధర్నాలో యాక్టర్ సుమన్ ఇంట్రెస్టింగ్ కామెంట్స్

దిశ, డైనమిక్ బ్యూరో: బీసీలకు రిజర్వేషన్లు ఎక్కడ వస్తాయని అందరూ అనుమానాలు వ్యక్తం చేస్తే తెలంగాణ సీఎం రేవంత్ రెడ్డి (CM Revanth Reddy) మాత్రం రాష్ట్రంలో బీసీలకు విద్య, ఉద్యోగాలు, రాజకీాయల్లో 42 శాతం రిజర్వేషన్లు అమలు చేసేలా బిల్లును తీసుకువచ్చి చూపించారని సినీ నటుడు సుమన్ (Actor Suman) అన్నారు. చెప్పినట్లుగా బీసీలకు రిజర్వేషన్లు తీసుకువచ్చిన సీఎం రేవంత్ రెడ్డి రియల్ హీరో అని ప్రశంసించారు. ఇవాళ బీసీ సంక్షేమ సంఘం జాతీయ కమిటీ ఆధ్వర్యంలో జంతర్ మంతర్ (Delhi Jantar Mantar) వేదికగా జరుగుతున్న బీసీ మహాధర్నాకు (BC Mahadharna) సుమన్ సంఘీభావం తెలిపారు. ఈ సందర్భంగా మాట్లాడుతూ.. మా బీసీలమంతా రేవంత్ రెడ్డికి మద్దతుగా ఉంటామని చెప్పారు. ఏజెన్సీ ప్రాంతాల్లో బీసీలు, గౌడ్లు ఉన్నారు. రేవంత్ రెడ్డి పెద్దమనసు చేసుకుని వారికి ఎస్టీ స్టేటస్ ఇవ్వాలని కోరారు. ఈ డిమాండ్ చాలా కాలంగా ఉందని ఇది నెరవేరిస్తే మీరే మాకు దేవుడు అవుతారన్నారు. నరేంద్ర మోడీ బీసీలకు రిజర్వేషన్లు అమలు చేయాలని విజ్ఞప్తి చేశారు.