సోనియాగాంధీకి సీఎం రేవంత్ శుభాకాంక్షలు.. సోషల్ మీడియాలో ట్వీట్ వైరల్

దిశ, వెబ్‌డెస్క్: రాజస్థాన్ నుంచి రాజ్యసభకు ఏకగ్రీవంగా ఎన్నికైన కాంగ్రెస్ అధినేత్రి సోనియా‌గాంధీ పలువురు ప్రముఖులు తెలుపుతున్నారు. తొలిసారిగా ఆమె పెద్దల సభకు ఎన్నికవడం పట్ల తెలంగాణ సీఎం రేవంత్‌రెడ్డి ట్విట్టర్ వేదికగా తన శుభాకాంక్షలు తెలిపారు. ‘తల్లిగా అమరుల త్యాగాలకు తల్లడిల్లి.. నాయకురాలిగా స్వరాష్ట్ర ఆకాంక్షను నెరవేర్చి.. తెలంగాణ ప్రజల గుండెల్లో శాశ్వతంగా నిలిచిపోయిన శ్రీమతి సోనియాగాంధీ గారు రాజ్యసభకు ఎన్నిక కావడం సంతోషకరం. నాలుగు కోట్ల తెలంగాణ ప్రజల తరపున సోనియమ్మకు హృదయపూర్వక శుభాకాంక్షలు’. అంటూ ఆమెతో కలిసి దిగిన ఫొటోనే షేర్ చేస్తూ ట్వీట్ చేశారు. ప్రస్తుతం ఆ ట్వీట్ సోషల్ మీడియాలో వైరల్ అవుతోంది.