BREAKING: సీఎం కేసీఆర్ హ్యాట్రిక్ విజయం
గజ్వేల్‌లో బీఆర్ఎస్ ఘన విజయం సాధించింది. గులాబీ బాస్ కేసీఆర్ గజ్వేల్‌లో హ్యాట్రిక్ విజయం సాధించారు. సమీప బీజేపీ అభ్యర్థి ఈటల రాజేందర్‌పై కేసీఆర్ గెలిచారు.
దిశ, వెబ్‌డెస్క్: గజ్వేల్‌లో బీఆర్ఎస్ ఘన విజయం సాధించింది. గులాబీ బాస్ కేసీఆర్ గజ్వేల్‌లో హ్యాట్రిక్ విజయం సాధించారు. సమీప బీజేపీ అభ్యర్థి ఈటల రాజేందర్‌పై కేసీఆర్ గెలిచారు. గజ్వేల్‌లో కేసీఆర్ గెలిచినప్పటికీ.. గత ఎన్నికల కంటే ఈ సారి మెజార్టీ తగ్గడం గమనార్హం. ఈ సారి గజ్వేల్‌తో పాటు కామారెడ్డి నుండి బరిలోకి దిగిన కేసీఆర్.. సొంత ఇలాకాలో గెలిచినప్పటికీ.. కామారెడ్డిలో మాత్రం ఓటమి తప్పలేదు. బీజేపీ కీలక నేత ఈటల రాజేందర్‌కు సైతం రెండు చోట్ల ఓటమి పాలయ్యారు. గజ్వేల్‌తో పాటు సొంత ఇలాకా అయిన హుజురాబాద్‌లో సైతం ఈటల ఓటమి చవిచూశారు. ఇక, తెలంగాణ అసెంబ్లీ ఎన్నికల కాంగ్రెస్ పార్టీ ఘన విజయం సాధించింది. హ్యాట్రిక్ విజయం సాధించాలనుకున్న బీఆర్ఎస్ ఆశలు నేరవేరలేదు. ప్రభుత్వ ఏర్పాటుకు అవసరమైన 61 సీట్ల మేజిక్ ఫిగర్ దాటి కాంగ్రెస్ స్పష్టమైన అధిక్యంతో సాధించింది.