CM Chandrababu: కేంద్ర మంత్రి రామ్మోహన్ నాయుడుకు సీఎం చంద్రబాబు చురకలు.. అసలు విషయం ఏంటంటే?

దిశ, వెబ్‌డెస్క్: నిబద్ధత, సమయపాలనకు నిదర్శనం సీఎం చంద్రబాబు నాయుడు (CM Chandrababu Naidu). నిత్యం ప్రశాంతంగా ఉండే బాబుకు తాజాగా కేంద్ర మంత్రి రామ్మోహన్ నాయుడు కోపం (Union Minister Rammohan Naidu) తెప్పించారు. దీంతో అసహనానికి గురైన సీఎం (CM) ఆయనకు చురకలంటించారు. అధికారిక కార్యక్రమాల్లో భాగంగా ఇవాళ శ్రీకాకుళం జిల్లా (Srikakulam District) ఇచ్ఛాపురం (Ichhapuram)లో సబ్‌స్టేషన్ ప్రారంభోత్సవానికి సీఎం చంద్రబాబు (CM Chandrababu) హాజరయ్యారు.

అయితే, కరెక్ట్‌గా రిబ్బన్ కట్ చేసే సమయంలో రామ్మోహన్ నాయుడు (Rammohan Naidu) కనబడకపోవడంతో సీఎం (CM) పక్కనే ఉన్న అధికారులతో ఆరా తీశారు. దీంతో వారు విజయవాడ (Vijayawada)లో మరో కార్యక్రమంలో ఉన్నట్లుగా సీఎంకు తెలిపారు. ఈ క్రమంలోనే కేంద్ర మంత్రి రామ్మోహన్ నాయుడికి సీఎం చురకలంటించారు. ప్రజలతో సంబంధం ఉన్న కార్యక్రమాల్లో వీలైనంత వరకు తప్పించుకోకూడదని అన్నారు. ఒకవేళ కార్యక్రామానికి నేరుగా హాజరుకాకపోయినా.. వర్చువల్‌గా హాజరు కావాలని సీఎం సూచించారు.