BREAKING: కేసీఆర్ ఫ్యామిలీలో మరొకరు అరెస్ట్.. ఈ సారి వంతు ఎవరిదంటే?

దిశ, వెబ్‌డెస్క్: అసెంబ్లీ ఎన్నికల్లో ఘోర పరాజయంతో అధికారం కోల్పోయి ఇప్పటికే పీకల్లోతూ కష్టాల్లో మునిగిన గులాబీ బాస్‌కు మరో షాక్ తగిలింది. భూ కబ్జా కేసులో కేసీఆర్ సోదరుడి కుమారుడు కల్వకుంట్ల కన్నారావును పోలీసులు ఇవాళ అరెస్ట్ చేశారు. ఔటర్ రింగ్‌ రోడ్డు సమీపంలోని ఆదిభట్ల పరిధిలో ఉన్న రెండు ఎకరాల భూమిని కన్నారావు, అతడి అనుచరులు కబ్జాకు పాల్పడ్డారు. ఓఎస్‌ఆర్ ప్రాజెక్ట్ నిర్మాణాలు చేపడుతుండగా.. రెండు ఎకరాల భూమి కబ్జా చేసేందుకు ప్రయత్నించారు. అదేవిధంగా ప్రాజెక్ట్ సిబ్బందిపైనా దాడికి పాల్పడ్డారు. దీంతో బాధితులు ఫిర్యాదు మేరకు ఆదిభట్ల పోలీసులు కన్నారావు ఆయన అనుచరులను అదుపులోకి తీసుకున్నారు. ఈ భూ కబ్జా కేసులో కన్నారావు‌తో పాటు మొత్తం 38 మందిపై పోలీసులు కేసులు బుక్ చేశారు.