కేసీఆర్కి బుక్ గిప్ట్.. బుక్‌పై వైఎస్ఆర్, సీబీఎన్, జగన్ ఫోటోలు
బీఆర్ఎస్ అధినేత కేసీఆర్‌ని పలువురు పార్టీ నేతలు, ప్రముఖులు శనివారం నంది నగర్‌లోని ఆయన నివాసంలో మర్యాదపూర్వకంగా భేటీ అయ్యారు.
దిశ, డైనమిక్ బ్యూరో:బీఆర్ఎస్ అధినేత కేసీఆర్‌ని పలువురు పార్టీ నేతలు, ప్రముఖులు శనివారం నంది నగర్‌లోని ఆయన నివాసంలో మర్యాదపూర్వకంగా భేటీ అయ్యారు. ఈ క్రమంలోనే ఒక ఇంట్రెస్టింగ్ సన్నివేశం చోటుచేసుకుంది. తాము రచించిన పుస్తకాలను సీఎం మాజీ సీపీఆర్వో వనం జ్వాలా నర్సింహారావు, సీనియర్ జర్నలిస్ట్ దేవులపల్లి అమర్ కేసీఆర్కి అందజేశారు. అయితే పుస్తకం ముఖ చిత్రంపై దివంగత నేత వైఎస్ఆర్, టీడీపీ అధినేత చంద్రబాబు నాయుడు, సీఎం జగన్ ఫోటోలు ఉన్నాయి. ఆ పుస్తకం ‘ది డెక్కన్ పవర్ ప్లే’ పేరుతో ఉంది. ఈ పుస్తకం కేసీఆర్‌కు ఇవ్వడంపై చర్చానీయంశంగా మారింది.
ఇదిలా ఉండగా ప్రభుత్వ మాజీ చీఫ్ విప్ దాస్యం వినయ్ భాస్కర్, మాజీ మంత్రులు జగదీష్ రెడ్డి, సత్యవతి రాథోడ్, మాజీ ఎమ్మెల్యేలు గువ్వల బాలరాజు, చిరుమర్తి లింగయ్య, రవీంద్ర నాయక్, ఎమ్మెల్సీ వెంకట్రాం రెడ్డి, పిర్జాదిగూడ మేయర్ జక్కావెంకట్రెడ్డి, తదితర పార్టీ నేతలు కేసీఆర్ ను కలిశారు.