BJP: అల్లు అర్జున్ తప్పేం లేదు.. ఎమ్మెల్యే రాజాసింగ్ సంచలన వ్యాఖ్యలు

దిశ, వెబ్ డెస్క్: తొక్కిసలాట ఘటనలో అల్లు అర్జున్(Allu Arjun) తప్పు లేదని, కాంగ్రెస్ ప్రభుత్వం(Congress Govt) ఆత్మపరిశీలన చేసుకోవాలని గోషామహల్ బీజేపీ ఎమ్మెల్యే రాజా సింగ్(BJP MLA Raja Singh) అన్నారు. అల్లు అర్జున్ అరెస్ట్(Allu Arjun Arrest) పై ట్విట్టర్ వేదికగా స్పందించిన ఆయన.. ప్రభుత్వంపై సంచలన ఆరోపణలు చేశారు. ఈ సందర్భంగా ఆయన.. విషాదకరమైన తొక్కిసలాట సంఘటన పోలీసు శాఖ యొక్క స్పష్టమైన వైఫల్యమేనని, జాతీయ అవార్డు(National Award) గెలుచుకున్న స్టార్ తప్పు కాదని అన్నారు. అలాగే అల్లుఅర్జున్ తన విజయాలతో తెలుగు రాష్ట్రాలకు ఎనలేని గర్వం తెచ్చారని తెలిపారు.

ఆయన నేరుగా బాధ్యత వహించని దానికి అతనిని జవాబుదారీగా ఉంచడం అన్యాయం, అసమంజసమైనదని వ్యాఖ్యానించారు. క్రౌడ్ మేనేజ్‌మెంట్‌లోని దైహిక సమస్యలు, లోపాలను పరిష్కరించడానికి బదులుగా.. ప్రముఖ వ్యక్తులను లక్ష్యంగా చేసుకోవడం పరిపాలనపై చెడుగా ప్రతిబింబిస్తుందని చెప్పారు. అంతేగాక కాంగ్రెస్ ప్రభుత్వం ఆత్మపరిశీలన చేసుకోవాలని, జవాబుదారీతనం నిజంగా ఎక్కడ ఉందో.. ప్రజా భద్రతను కాపాడే బాధ్యత కలిగిన వారితో నిర్ధారించుకోవాలని స్పష్టం చేశారు. అల్లు అర్జున్ ని నేరస్థుడిగా పరిగణించకుండా .. ఆయన కృషికి తగిన గౌరవం ఇవ్వాలని రాజాసింగ్ కోరారు.