అంబేద్కర్ ఆశయాలను కొనసాగిస్తున్న ఏకైక పార్టీ బీజేపీ.. బండి సంజయ్

దిశ, వెబ్ డెస్క్: భారత రాజ్యాంగ నిర్మాత డాక్టర్ బీఆర్ అంబేద్కర్ ఆశయాలను కొనసాగిస్తోన్న ఏకైక పార్టీ బీజేపీ అని బండి సంజయ్ అన్నారు. శుక్రవారం బీఆర్ అంబేద్కర్ 132వ జయంతి సందర్భంగా ఆయన మాట్లాడారు. నాటి జనసంఘ్ నుంచి నేటి భారతీయ జనతా పార్టీ వరకు బాబాసాహెబ్ అంబేద్కర్ ఆశయాలు, ఆలోచనలను కొనసాగిస్తున్నామని అన్నారు. అంబేద్కర్ ను కాంగ్రెస్ పార్టీ అడుగడుగునా అవమానించిందని మండిపడ్డారు. దేశవిభజన, ఆర్టికల్ 370ను వ్యతిరేకించిన అంబేద్కర్ ను పార్లమెంటు ఎన్నికల్లో కాంగ్రెస్ ఓడించిందని అన్నారు. అంబేద్కర్ కు భారతరత్న వచ్చేలా చేసింది బీజేపీ అని చెప్పారు. అంబేద్కర్ జీవితంతో ముడిపడిన స్థలాలను పంచతీర్థాలుగా అభివృద్ధి చేసి..ఆయనను సముచిత రీతిలో సత్కరించిన ఏకైక పార్టీ బీజేపీ అని బండి సంజయ్ తెలిపారు.