నిరుద్యోగుల సమస్యపై హరీష్ రావు మరోసారి ఆసక్తికర ట్వీట్ ఇదే

దిశ, డైనమిక్ బ్యూరో: గాంధీ ఆసుపత్రిలో ఆమరణ నిరాహార దీక్ష చేస్తున్న మోతీలాల్ నాయక్ ను పరామర్శించేందుకు వెళ్తున్న బీఆర్ఎస్ నాయకులు పల్లా రాజేశ్వర్ రెడ్డి సహా ఇతర విద్యార్థి నాయకులను పోలీసులు అరెస్టు చేశారు. అరెస్ట్‌పై తాజాగా బీఆర్ఎస్ సీనియర్ లీడర్, మాజీ మంత్రి హరీష్ రావు ట్విట్టర్ వేదికగా ఖండించారు. నిరుద్యోగుల డిమాండ్లు పరిష్కారించాల్సింది పోయి, పరామర్శించేందుకు వస్తున్న వారిని అడ్డుకోవడం అప్రజాస్వామికమని విమర్శించారు. ఇదేనా మీ ప్రజా పాలన? అని ప్రశ్నించారు.

ఎన్నికల సమయంలో హామీలతో ఊదరగొట్టిన నాయకులకు నిరుద్యోగుల ఆవేదన ఎందుకు అర్థం కావడం లేదన్నారు. అక్రమ అరెస్టులు చేసిన వారిని తక్షణం వదిలిపెట్టాలని, నిరుద్యోగుల సమస్యలు పరిష్కరించాలని బీఆర్ఎస్ పార్టీ పక్షాన ప్రభుత్వాన్ని డిమాండ్ చేస్తున్నామని ట్వీట్ చేశారు.