హైదరాబాద్‌లో బీజేపీకి మరో బిగ్ షాక్.. బీఆర్ఎస్‌లోకి కీలక నేత

దిశ సిటీ బ్యూరో: గ్రేటర్ హైదరాబాద్ నగరంలో సుమారు కోటి నెల మంది జనాభాకు అత్యవసర సేవలు అందించే జీహెచ్ఎంసిలోని కార్మిక నేత, ప్రస్తుత బీజేపి సిటీ మద్దూర్ మోర్చా చైర్మన్ ఊదరి గోపాల్ కాసేపట్లో టీఆర్ఎస్ పార్టీలో చేరనున్నారు. రాష్ట్ర మంత్రి హరీష్ రావు నేతృత్వంలో తెలంగాణ భవన్‌లో కాసేపట్లో ఏర్పాటు చేసే కార్యక్రమంలో గోపాల్ బీఆర్‌ఎస్‌‌లో చేరనున్నట్లు సమాచారం. గతంలో గ్రేటర్ హైదరాబాద్ మున్సిపల్ ఎంప్లాయిస్ యూనియన్ స్థాపించి తెలంగాణ రాష్ట్రం ఏర్పడక ముందే జీహెచ్ఎంసీ కార్మిక సంఘాల ఎన్నికల్లో గులాబీ జెండా ఎగరవేసిన గోపాల్ ఆ తర్వాత తెలంగాణ రాష్ట్రం ఏర్పడిన తర్వాత జీహెచ్ఎంసీ ఉద్యోగులకు కార్మికులకు ఇచ్చిన హామీలను సీఎం కేసీఆర్ నెరవేర్చలేదంటూ బీజేపిలో చేరిన సంగతి తెలిసిందే. ఇప్పుడు తాజాగా మళ్లీ గోపాల్ బీఆర్ఎస్‌లోకి చేరుతున్నారు. ఈ విషయాన్ని దిశ గోపాల్‌తో ప్రస్తావించగా.. బీజేపి పార్టీ నేతలు ఏ కార్యక్రమం నిర్వహించిన తనకు సమాచారం ఇవ్వటం లేదని తనను పట్టించుకోకపోవడం వల్లే తాను మళ్ళీ టీఆర్ఎస్ గూటికి చేరుతున్నానని స్పష్టం చేశారు.