Godavari : బాసర గోదావరిలో రెండు గుర్తు తెలియని మృతదేహాలు లభ్యం...

దిశ, ప్రతినిధి నిర్మల్ : నిర్మల్ జిల్లా బాసర గోదావరి నదీ ప్రవాహంలో ఇద్దరు గుర్తుతెలియని వ్యక్తుల మృతదేహాలు ఆదివారం సాయంత్రం లభ్యమయ్యాయి. గమనించిన స్థానికులు బాసర పోలీసులకు సమాచారం అందించారు. ఇప్పటికే వారంలో ఇద్దరు మహిళల మృతదేహాలు బయటపడిన ఘటన మరువక ముందే... తాజాగా మరో వృద్ధుడు, ఓ యువకుడు గోదావరిలో మృతులుగా తేలారు. వరుస ఘటనల పట్ల నాయకులు,అధికారులు ఘాట్ల వద్ద పర్యవేక్షణ, శ్రద్ధ వహించడం లేదంటూ వాపోతున్నారు. సంఘటన స్థలానికి చేరుకున్న పోలీసులు దర్యాప్తును వేగవంతం చేశారు.మృతి చెందిన ఇద్దరు వివరాలు తెలియాల్సి ఉంది. కాగా మహారాష్ట్ర వైపు నుంచి గోదావరి నదిలో ఈ మృతదేహాలు కొట్టుకు వచ్చి ఉంటాయని పోలీసులు భావిస్తున్నారు.