Basara IIIT Protest: ఏడో రోజుకు చేరుకున్న ట్రిపుల్ ఐటీ విద్యార్థుల నిరసన

దిశ,బాసర: Basara IIIT Students Protest Reaches 7th day| బాసర ట్రిపుల్ ఐటీ విద్యార్థుల ఆందోళన తారస్థాయి‌కి చేరుకుంది. ఇందులో భాగంగా నిన్నటి నుండి 24 గంటల పాటు ఆందోళన చేపట్టారు. ఇప్పటికి ఆరు రోజులు గడిచిపోయాయి. ప్రభుత్వం చేపట్టిన అన్ని ప్రయత్నాలు విఫలం అయ్యాయి. ఆదివారం అర్ధరాత్రి ఆందోళన కొనసాగిస్తున్న విషయం తెలుసుకున్న కలెక్టర్ ముషారఫ్ అలీ ఫారుఖీ అర్ధరాత్రి హుటాహుటిన బాసర ట్రిపుల్ ఐటీ‌కి చేరుకున్నారు. సమస్యలను పరిష్కరిస్తామని ఇలా రాత్రుల్లో ఆందోళన చేయడం సరికాదని సూచించారు. అయినా విద్యార్థులు పట్టు వీడటం లేదు. తమ డిమాండ్లను పరిష్కరించే వరకు ఆందోళన ఆపేది లేదని స్పష్టం చేశారు. ఏడో రోజైన సోమవారం విద్యార్థులు వినూత్న రీతిలో ఆందోళనకు దిగారు. యోగ, వ్యాయామం చేస్తూ నిరసన తెలిపారు.