నిర్మల్ జిల్లా గెజిటెడ్ అధికారుల సంఘం అధ్యక్ష, కార్యదర్శులుగా పిజి రెడ్డి, డి రమేష్

దిశ ప్రతినిధి నిర్మల్: నిర్మల్ జిల్లా గెజిటెడ్ అధికారుల సంఘం అధ్యక్ష ప్రధాన కార్యదర్శులుగా పీజీ రెడ్డి, దాత్రిక రమేష్ లు ఎన్నికయ్యారు. శనివారం సాయంత్రం దాకా జరిగిన ఎన్నికల ప్రక్రియలో భాగంగా రాష్ట్ర సంఘం అధ్యక్షులు ఏలూరి శ్రీనివాసరావు, ప్రధాన కార్యదర్శి సత్యనారాయణల ఆధ్వర్యంలో వీరిని ఎన్నుకున్నారు. బైంసా డిగ్రీ కళాశాలలో అసోసియేట్ ప్రొఫెసర్‌గా పనిచేస్తున్న పీజీ రెడ్డి అధ్యక్షుడిగా ఎన్నిక కాగా, ప్రధాన కార్యదర్శిగా నిర్మల్ సబ్ ట్రెజరీ అధికారి డి రమేష్ ఎన్నికయ్యారు. వీరితో పాటు పూర్తి కార్యవర్గాన్ని రాష్ట్ర అధిష్టానం నియమించింది. ఎన్నికల తర్వాత గెలుపొందిన వారితో రాష్ట్ర నాయకత్వం ప్రమాణ స్వీకారం చేయించింది. నిర్మల్ జిల్లాలో అన్ని ప్రభుత్వ శాఖల్లో ఉన్న గెజిటెడ్ అధికారులు ఎదుర్కొంటున్న సమస్యల పరిష్కారం తో పాటు భవిష్యత్తులో గెజిటెడ్ అధికారుల సంక్షేమం కోసం పలు కార్యక్రమాలు చేపడతామని అధ్యక్ష ప్రధాన కార్యదర్శులు పీజీ రెడ్డి, రమేష్‌లు తెలిపారు.