ముందస్తు సమాచారంతో ఏబీవీపీ నాయకుల అరెస్ట్.. నలువైపులా పహారా..

దిశ, బాసర : బాసర ట్రిపుల్ ఐటీలో జరిగిన విద్యార్థి ఆత్మహత్య ఉదాంతంలో ఏబీవీపీ నాయకుల పై జరిగిన దాడిలో ఒకరు తీవ్రగాయాల పాలైన విషయం తెలిసిందే. అయితే ఈ ఘటనని సీరియస్ గా తీసుకున్న ఏబీవీపీ రాష్ట్ర సంఘం ఇదివరకే పాఠశాలల బందుకు పిలుపునివ్వగా ఈరోజు బాసర త్రిబుల్ ఐటీని ముట్టడించేందుకు తమ కార్యకర్తలకు పిలుపునిచ్చారు.

ఈ క్రమంలో రైలు మార్గం ద్వారా బాసర చేరుకున్న దాదాపు 50 ఏబీవీపీ నాయకులను తెల్లవారుజామున ముందస్తుగా అరెస్టు చేసి ముధోల్ పోలీస్ స్టేషన్కు తరలించారు పోలీసులు. రోడ్డు మార్గం ద్వారా వచ్చే ఏబీవీపీ కార్యకర్తలను నిజామాబాద్ జిల్లా బార్డర్ వద్ద, ఇటు నిర్మల్ జిల్లా బోర్డర్ వద్ద పోలీసులు భారీ పహారా కాస్తున్నారు.