బెల్లం పానకం... 12 లీటర్ల నాటుసారా ధ్వంసం

దిశ‌, ఆసిఫాబాద్ : కొమురంభీమ్ ఆసిఫాబాద్ జిల్లా రెబ్బెన మండలంలోని ఖైర్ గూడ, గోలేటి గ్రామాల్లో పలుచోట్ల బుధవారం ఆబ్కారీ శాఖ అధికారులు మెరుపు దాడులు నిర్వహించారు. ఈ దాడుల్లో సుమారు 800 వందల లీటర్ల‌ బెల్లం పానకం ధ్వంసం చేశారు. అబ్కారీ శాఖ ఆసిఫాబాద్ సీఐ దీపక్ మాట్లాడుతూ మండలంలో సుమారు 800 వందల లీటర్లు బెల్లం పానకం ఉన్న డ్రమ్ములను ధ్వంసం చేశామన్నారు. అలాగే 12 లీటర్ల నాటు సారా స్వాధీనం చేసుకున్నామని తెలిపారు. అనంతరం ముగ్గురి పై కేసు నమోదు చేసినట్లు సీఐ పేర్కొన్నారు. ఈ దాడుల్లో అబ్కారీ శాఖ ఎస్సైలు రమేష్, సంధ్యారాణి, టాస్క్ఫోర్స్ ఎస్ఐ రాజేశ్వర్, సిబ్బంది లక్ష్మణ్, సురేష్, మమత, రజిత, కమలాకర్, నవీన్ తదితరులున్నారు.