కుక్కలదాడిలో 24 గొర్రె పిల్లలు మృతి

దిశ,భైంసా : కుక్కల దాడిలో 24 గొర్రె పిల్లలు మృతి చెందిన ఘటన భైంసా మండలంలో శనివారం చోటు చేసుకుంది. బాధితులు, స్థానికులు తెలిపిన వివరాల ప్రకారం... మండలంలోని ఇలేగాం గ్రామానికి చెందిన చౌలా గజ్జరామ్, చౌలా సాయిలు అనే గొర్రెల కాపరులు గొర్రె పిల్లలను ఇంటి వద్ద పాకలో ఉంచి గొర్రెలు మేపడానికి వెళ్లారు. దాంతో పాకలో చొరబడిన వీధి కుక్కలు దాడి చేయగా 24 గొర్రె పిల్లలు చనిపోయాయి. వీటి విలువ దాదాపు లక్ష రూపాయలు ఉంటాయని బాధితులు పేర్కొన్నారు. ప్రభుత్వం తమకు ఆర్థిక సహాయం అందించాలని బాధితులు కోరారు.