TS: విద్యాశాఖ మంత్రి జిల్లాలో టెన్త్ ప్రశ్నాపత్రం లీక్?

దిశ, వెబ్‌డెస్క్: వికారాబాద్ జిల్లా తాండూరులో అనూహ్య పరిణామం చోటుచేసుకుంది. ఎగ్జామ్ ప్రారంభమైన ఐదు నిమిషాలకే టెన్త్ క్లాస్ క్వశ్చర్ పేపర్ వాట్సాప్ గ్రూపుల్లో చక్కర్లు కొట్టినట్లు సమాచారం. ఎగ్జామ్ కంప్లీట్ కాకముందే ప్రశ్నాపత్రం బయటకు రావడంపై విద్యార్థులు ఆందోళన చెందారు. కాగా, టీఎస్‌పీఎస్‌సీ ప్రశ్నా పత్రాల వ్యవహారం రాష్ట్రాన్ని కుదిపేస్తున్న తరుణంలో టెన్త్ పేపర్ లీక్ కావడం తీవ్ర చర్చనీయాంశమైంది. దీంతో రాష్ట్ర ప్రభుత్వంపై విపక్ష నేతలు తీవ్ర విమర్శలు చేస్తున్నారు. జిల్లా విద్యాధికారిని ఈ విషయమై ప్రశ్నించగా.. పరీక్ష ముగిసిన ప్రశ్నాపత్రం మొబైల్ ఫోన్లలో వచ్చింది కానీ, లీక్ కాలేదంటూ వివరణ ఇచ్చారు. ఈ విషయం ఆ శాఖ ఉన్నతాధికారుల దృష్టికి పోవడంతో పేపర్ లీక్ అయిందా? కాలేదా? అనే విషయమై మరికొన్ని గంటల్లో స్పష్టం కానున్నది