రూ.7 వేలకే Poco స్మార్ట్‌ఫోన్

దిశ, టెక్నాలజీ: చైనాకు చెందిన Poco కంపెనీ ఇండియాలో కొత్త మోడల్ స్మార్ట్‌ఫోన్‌ను విడుదల చేసింది. దీని పేరు ‘Poco C61’. 4GB RAM+ 64GB స్టోరేజ్ ధర రూ. 6,999. 6GB RAM+ 128GB వేరియంట్ ధర రూ.7,999. ఫోన్ మార్చి 28 నుంచి ఫ్లిప్‌కార్ట్ ద్వారా కొనుగోలుకు అందుబాటులో ఉంటుంది. ఇది డైమండ్ డస్ట్ బ్లాక్, ఎథెరియల్ బ్లూ, మిస్టికల్ గ్రీన్ అనే మూడు కలర్స్‌లలో లభిస్తుంది. ఈ మోడల్ Redmi A3 రీబ్రాండెడ్ వెర్షన్‌గా వచ్చినట్లు తెలుస్తుంది.

Poco C61 ఫీచర్స్: ఈ స్మార్ట్‌ఫోన్ 6.71-అంగుళాల HD+ (1,650 x 720 పిక్సెల్‌లు) LCD స్క్రీన్‌ను కలిగి ఉంది. దీని రిఫ్రెష్ రేట్ 90Hz. కార్నింగ్ గొరిల్లా గ్లాస్ 3 ప్రొటెక్షన్‌ కూడా ఉంది. MediaTek Helio G36 SoC ద్వారా పనిచేస్తుంది. ఆండ్రాయిడ్ 14 ఆధారంగా రన్ అవుతుంది. కెమెరాల విషయానికి వస్తే, 8-మెగాపిక్సెల్‌తో AI-మద్దతు గల కెమెరా సెటప్ కలిగి ఉంది. ముందు సెల్ఫీల కోసం 5-మెగాపిక్సెల్ కెమెరా ఉంది. ఫోన్‌లో 10W వైర్ట్ చార్జింగ్ సపోర్ట్‌తో 5000mAh బ్యాటరీని అందించారు. దీనిలో సైడ్-మౌంటెడ్ ఫింగర్ ప్రింట్ సెన్సార్ కూడా ఉంది. ఇది డ్యూయల్ సిమ్, 4G, Wi-Fi, బ్లూటూత్ 5.4, USB టైప్-సి కనెక్టివిటీతో వస్తుంది.