YouTube : ఎంత మంది Subscriberలను బట్టి ప్లే బటన్ వస్తుంది.. వారి సంపాదన ఎంతో తెలుసా..
యూట్యూబ్‌లో అత్యధిక వీడియోలను భారత్‌లో వీక్షిస్తుంటారు.
దిశ, వెబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డెస్క్ : యూట్యూబ్‌లో అత్యధిక వీడియోలను భారత్‌లో వీక్షిస్తుంటారు. చూసేవారితో పాటు యూట్యూబ్ కంటెంట్ సృష్టికర్తలు కూడా విపరీతంగా పెరిగిపోయారు. చాలా మంది స్వంతంగా ఛానెల్‌లను సృష్టించి, అక్కడ వారు నిరంతరం వీడియోలను అప్లోడ్ చేస్తుంటారు. దీంతో వారి ప్యాషన్ నెరవేరడంతో పాటు డబ్బు కూడా సంపాదిస్తారు. అయితే, సంపాదన మొత్తం సబ్స్క్రైబర్ల సంఖ్య, వీడియోలో కనిపించే ప్రకటనను ఎంత మంది వీక్షించారు అనే దాని పై ఆధారపడి ఉంటుంది.
చందాదారుల సంఖ్య పై ఆధారపడి YouTube వెండి, బంగారు, వజ్రం, రూబీ, రెడ్ ప్లే బటన్‌లను అందిస్తుంది. ఇది క్రియేటర్‌లకు YouTube అందించే ఒక రకమైన అవార్డు. ఈ ప్లే బటన్‌ల ఆధారంగా YouTube చెల్లింపు కూడా చేస్తుంది. యూట్యూబ్ ద్వారా కోట్లాది రూపాయలు ఆర్జిస్తున్న యూజర్లు చాలా మంది ఉన్నారు.
ఏ బటన్ ఎప్పుడు అందుబాటులో ఉంటుందో తెలుసా ?
YouTube ప్లే బటన్‌ను అందించడం 2010 సంవత్సరంలో ప్రారంభమైంది. అప్పట్లో వెండి, బంగారంతో కూడిన ప్లే బటన్లు మాత్రమే సృష్టికర్తలకు ఇచ్చేవారు. ఇప్పుడు సబ్స్క్రైబర్ల సంఖ్యను బట్టి యూట్యూబ్ ద్వారా 5 రకాల ప్లే బటన్లు అందిస్తున్నారు.
సిల్వర్ బటన్ : ఇది క్రియేటర్‌కు YouTube అందించే మొదటి రివార్డ్. యూట్యూబ్ ఛానెల్‌లో సబ్స్క్రైబర్ల సంఖ్య లక్షకు చేరుకున్నప్పుడు, సృష్టికర్త వెండి బటన్‌ను పొందుతాడు.
గోల్డెన్ బటన్ : యూట్యూబ్‌లో సబ్స్క్రైబర్ల సంఖ్య ఒక మిలియన్ అంటే 10 లక్షలకు చేరుకున్నప్పుడు గోల్డెన్ బటన్ అందుకుంటారు.
డైమండ్ బటన్ : యూట్యూబ్ ఛానెల్‌లో సబ్స్క్రైబర్ల సంఖ్య 10 మిలియన్లు అంటే ఒక కోటికి చేరుకున్నప్పుడు డైమండ్ బటన్ అందుకుంటారు.
రూబీ బటన్ : ఇది నాల్గవ అత్యధిక రివార్డ్ ప్లే బటన్. యూట్యూబ్ ఛానెల్‌లో సబ్స్క్రైబర్ల సంఖ్య 5 కోట్లకు చేరుకున్నప్పుడు రూబీ బటన్ అందుకుంటారు.
రెడ్ బటన్ : ఇది అతిపెద్ద రివార్డ్. ఈ ప్లే బటన్ 100 మిలియన్లు అంటే 10 కోట్ల మంది సబ్స్క్రైబర్ల సంఖ్య ఉన్న క్రియేటర్‌లకు మాత్రమే అందిస్తారు.
సంపాదన ఎంత ?
యూట్యూబ్‌లో వీడియోలు చూస్తున్నప్పుడు మధ్యలో ప్రకటనలు వస్తాయి. ఈ ప్రకటనల ద్వారా, YouTube తన ఆదాయాన్ని సంపాదిస్తుంది. అలాగే సృష్టికర్త సంపాదించడంలో కూడా సహాయపడుతుంది. యూట్యూబ్ ఒక ప్రకటన వెయ్యి వ్యూస్ లకు రూ. 100 - 200 ఇస్తుంది. సిల్వర్ బటన్ ఉన్న సబ్‌స్క్రైబర్‌లు నెలకు రూ.1 నుండి 2 లక్షల వరకు సంపాదించవచ్చు. ప్రకటనలే కాకుండా, బ్రాండ్ స్పాన్సర్‌షిప్, ఉత్పత్తి ప్లేస్‌మెంట్, అనుబంధ మార్కెటింగ్ ద్వారా కూడా సంపాదించవచ్చు.