టెలిగ్రామ్‌లో కొత్తగా గ్రీటింగ్ మెసేజ్‌, క్విక్ రిప్లైస్ ఫీచర్స్

దిశ, టెక్నాలజీ: ఇన్‌స్టంట్ మెసేజింగ్ యాప్ టెలిగ్రామ్ తన వినియోగదారుల కోసం పలు కొత్త ఫీచర్లను తీసుకొచ్చింది. కంపెనీలు, వారి కస్టమర్ల మధ్య కమ్యూనికేషన్‌ను పెంచడానికి గ్రీటింగ్ మెసేజ్‌లు, వేగవంతంగా సమాధానాలు ఇచ్చుకోడానికి క్విక్ రిప్లైస్, ఇంకా మరిన్ని ఆప్షన్లను విడుదల చేసింది. కొత్త ఫీచర్లు ప్రస్తుతం ప్రీమియం వినియోగదారులందరికీ ఉచితంగా అందుబాటులో ఉన్నాయి. గ్రీటింగ్ మెసేజ్‌ల ద్వారా వ్యాపారులు తమ చానెల్‌కు మొదటిసారిగా కనెక్ట్ అయిన వారికి శుభాకాంక్షల మెసేజ్‌లను పంపవచ్చు, దీనిని ఆటోమెటిక్‌గా పంపించవచ్చు. అలాగే, క్విక్ రిప్లైస్ ఫీచర్ ప్రీసెట్ రిప్లై చాట్‌ను అందిస్తుంది. అలాగే, వినియోగదారులు తమ వ్యక్తిగత టెలిగ్రామ్ ఖాతాలను బిజినెస్ ఖాతాలుగా మార్చుకోవచ్చు. వీటితో పాటు మరిన్ని కొత్త ఫీచర్లను కంపెనీ విడుదల చేసింది. టెలిగ్రామ్ CEO, వ్యవస్థాపకుడు పావెల్ దురోవ్ ఒక ప్రకటనలో మాట్లాడుతూ, వినియోగదారుల అభిరుచులకు అనుగుణంగా కొత్త ఆప్షన్లను అందించాము. ఇవి కస్టమర్లకు మెరుగైన సేవలు అందిస్తాయని అన్నారు.