స్క్రాచ్ రెసిస్టెంట్ ఫీచర్‌తో Fire-Boltt స్మార్ట్ వాచ్.. ధర రూ.1,799

దిశ, వెబ్‌డెస్క్: Fire-Boltt కంపెనీ ఇండియాలో కొత్తగా షాక్, స్క్రాచ్, వాటర్ రెసిస్టెంట్ స్మార్ట్ వాచ్‌ను విడుదల చేసింది. ఈ మోడల్ పేరు ‘Fire-Boltt Combat’. దీని ధర రూ. 1,799. ఈ కామర్స్ సైట్ ఫ్లిప్‌కార్ట్, కంపెనీ సైట్ ద్వారా జులై 6న అమ్మకానికి వస్తుంది. ఇది బ్లాక్, గ్రీన్, కామో బ్లాక్, కామో గ్రీన్ అనే కలర్స్‌లలో లభిస్తుంది.

ఫైర్-బోల్ట్ కాంబాట్ స్మార్ట్ వాచ్ 1.95-అంగుళాల (240x284 పిక్సెల్‌లు) HD డిస్‌ప్లేను కలిగి ఉంది. బ్లూటూత్ కాలింగ్ ఫీచర్‌తో వస్తుంది. వాచ్ నుంచి నేరుగా కాల్స్ చేయవచ్చు, అలాగే ఆన్సర్ చేయవచ్చు. వాచ్ గూగుల్ అసిస్టెంట్, సిరి వంటి AI వాయిస్ అసిస్టెంట్‌లకు కూడా సపోర్ట్ చేస్తుంది.

స్మార్ట్‌వాచ్‌లో SpO2 మానిటరింగ్, హార్ట్ రేట్ ట్రాకింగ్, ఫిమేల్ హెల్త్ ట్రాకర్, హైడ్రేషన్ రిమైండర్, స్లీప్ మానిటరింగ్ వంటి అనేక హెల్త్ ఫీచర్లు ఉన్నాయి. 150కి పైగా స్పోర్ట్స్ మోడ్‌లు, 100 కంటే ఎక్కువ క్లౌడ్ ఆధారిత వాచ్ ఫేస్‌లు ఉన్నాయి. మ్యూజిక్ కంట్రోల్, రిమోట్ కెమెరా, అలారం, టైమర్, స్టాప్‌వాచ్, వాతావరణ సూచన వంటి ఫీచర్లను కూడా అందిస్తుంది. సాధారణ వాడకంతో 25 రోజుల వరకు బ్యాటరీ లైఫ్ ఇస్తుందని కంపెనీ తెలిపింది. వాచ్ దుమ్ము, నీటి నిరోధకత కోసం IP68 రేటింగ్‌ను కలిగి ఉంది.