తొలి రౌండ్‌లోనే సుమిత్ ఓటమి

దిశ, స్పోర్ట్స్ : అమెరికాలో జరుగుతున్న ఇండియన్ వేల్స్ ఓపెన్ టెన్నిస్ టోర్నీలో భారత స్టార్ టెన్నిస్ ఆటగాడు సుమిత్ నగాల్ తొలి రౌండ్‌లోనే నిష్ర్కమించాడు. శుక్రవారం జరిగిన మెన్స్ సింగిల్స్ మొదటి రౌండ్‌లో సుమిత్ 3-6, 3-6 తేడాతో కెనడా ప్లేయర్ మిలోస్ రావోనిక్ చేతిలో పరాజయం పాలయ్యాడు. ఏస్‌లతో రెచ్చిపోయిన మిలోస్ రావోనిక్ మూడు సార్లు సుమిత్ సర్వీస్‌ను బ్రేక్ చేశాడు. 2 డబుల్ ఫౌల్ట్స్‌తోపాటు కీలక సమయాల్లో అనవసర తప్పిదాలతో సుమిత్ మూల్యం చెల్లించుకున్నాడు.

ఇండియన్ వేల్స్ ఓపెన్ టోర్నీలో సుమిత్ పాల్గొనడం ఇదే తొలిసారి. మొదట క్వాలిఫయింగ్‌లో రెండో రౌండ్‌లో ఓడటం ద్వారా సుమిత్ నేరుగా మెయిన్‌ డ్రాకు అర్హత సాధించలేకపోయాడు. అయితే, స్పెయిన్ దిగ్గజం రఫెల్ నాదల్ తప్పుకోవడంతో ‘లక్కీ లూజర్’ కోటాలో సుమిత్‌కు మెయిన్‌ డ్రా బెర్త్ దక్కింది.