వుషు టోర్నీలో భారత్‌కు 8 పతకాలు

దిశ, స్పోర్ట్స్ : రష్యాలో జరిగిన మాస్కో స్టార్స్ వుషు చాంపియన్‌షిప్‌లో భారత క్రీడాకారులు 8 పతకాలు సాధించారు. అందులో ఐదు స్వర్ణ పతకాలు ఉండటం విశేషం. రెండు రజతాలు, ఓ కాంస్య పతకం ఉన్నాయి. సాండా ఈవెంట్‌లో అండర్-60 జూనియర్ కేటగిరీలో అభిజిత్ బురగోహైన్, అండర్-52 జూనియర్ కేటగిరీలో భూమిక దేవిక, అన్సా చిస్తీ(52 కేజీలు), అయిరారీ చిస్తీ(56 కేజీలు), లాత్వాంగ్ కుమ్హువా(48 కేజీలు) బంగారు పతకాలు సాధించారు. అదే ఈవెంట్‌లో కైఫా షా(56 కేజీలు), తైజిక్వాన్ ఈవెంట్‌లో కర్ణజీత్ శర్మ రజత పతకాలు సాధించారు. చాన్‌క్వాన్ ఈవెంట్‌లో అంజుల్ నామ్‌డియో కాంస్యం గెలుచుకుంది.