ATP Finals : బోపన్న జోడీకి వరుసగా రెండో ఓటమి..

దిశ, స్పోర్ట్స్ : భారత సీనియర్ టెన్నిస్ ప్లేయర్ రోహన్ బోపన్న జోడీ ఏటీపీ ఫైనల్స్‌లో వరుసగా రెండో ఓటమి చవిచూసింది. బుధవారం జరిగిన సెకండ్ గ్రూప్ స్టేజ్ మ్యాచ్‌లో 7-5, 6-3 తేడాతో టాప్ సీడ్ మార్సెలో అరెవలో, మటె పావిక్ ద్వయం చేతిలో ఓడిపోయింది. ఫస్ట్ సెట్‌‌లో బోపన్న, ఎబ్డెన్‌లు ఆరంభంలో దూకుడుగా ఆడినా ఆ తర్వాత ఆ జోరును కొనసాగించడంలో విఫలం అయింది. ఇక సెకండ్ సెట్‌లో ప్రత్యర్థులదే హవా కొనసాగింది. డిఫెన్స్‌లో అరెవలో-పావిక్ తమ ప్రత్యర్థులను అధిగమించడంలో సక్సెస్ అయ్యారు. ఈ టోర్నీలో వరుసగా రెండు ఓటములతో బోపన్న జోడీ సెమీస్ అవకాశాలు సంక్లిష్టంగా మారాయి. అరెవలో-పావిక్ మాత్రం ఏటీపీ ఫైనల్స్ గ్రూప్ దశలో తమ స్థానాన్ని బలోపేతం చేసుకున్నారు.