మెగాస్టార్‌తో సోనాక్షి.. రిజల్ట్‌పై అభిమానుల్లో టెన్షన్?

దిశ, సినిమా : మెగాస్టార్ చిరంజీవి యంగ్ హీరోలతో పోటీపడి మరి సినిమాలు చేస్తున్నారు. ఈ క్రమంలో వరుస సినిమాలకు కమిట్ అయిన చిరు.. ప్రస్తుతం ‘ఆచార్య’ ఫైనల్ షెడ్యూల్ చిత్రీకరణలో బిజీగా ఉన్నారు. ఈ మూవీ తర్వాత మోహన్ రాజా డైరెక్షన్‌లో ‘లూసిఫర్’ రీమేక్‌లో పాల్గొననుండగా, ప్యారలల్‌గా మెహర్ రమేశ్ డైరెక్షన్‌లో ‘వేదాళం’ రీమేక్‌తో పాటు బాబీ డైరెక్షన్‌లో మరో సినిమాలో నటించనున్నారు. కాగా బాబీ డైరెక్షన్‌లో తెరకెక్కబోయే మూవీకి సంబంధించిన అప్‌డేట్ సినీవర్గాల్లో వినిపిస్తోంది.

ఈ సినిమాలో చిరంజీవికి జోడీగా శ్రుతిహాస‌న్, ర‌కుల్ ప్రీత్ సింగ్ పేర్లు ప‌రిశీల‌న‌లో ఉన్నట్లు టాక్ వినిపించగా.. ఇప్పుడు ఈ లిస్టులో బాలీవుడ్ హీరోయిన్ సోనాక్షి సిన్హా చేరింది. మూవీ యూనిట్ సోనాక్షిని సంప్రదించేందుకు సిద్ధమైనట్లు వార్తలొస్తుండగా.. తను ఈ ప్రాజెక్టుకు ఓకే చెప్తే సూపర్ స్టార్ రజనీకాంత్ ‘లింగ’ తర్వాత ఆమె న‌టించ‌బోయే సౌత్ సినిమా ఇదే అవుతుంది. అయితే సోనాక్షి నటించిన ‘లింగ’ ఫ్లాప్‌ అవడాన్ని గుర్తుచేసుకుంటున్న అభిమానులు.. రిజల్ట్‌ ఎలా ఉంటుందో? అని టెన్షన్ పడుతున్నారు.